Viatge d'òc nais dins l'auton del 2005 da una idèa de dui amìs liats da l'amor per lor territòri e la passion per la música e las costumas occitanas.

Una passion qu'es creissua arlòng dètz ans anant a descurbir mai las raitz e arpilhant lo patrimòni linguístic, cultural e musical que son característics per las valadas occitanas d'Italia e que las rènden unicas.

Siem convinçuts que nòstre territòri pòl ofrir un baron de possibilitats, da las excursions en montanha ai tresòrs d'art, da las fèstas de la tradicion occitana a la cusina excellenta, e avem pensat de prepausar d'itineraris que permetten de descurbir o aprofondir lhi aspècts mai caracteristics e las tradicions mai autenticas di nòstres luècs que devenon parelh destinacion per aquelhi "toristas curiós" que volon pas masque visitar, mas decò aprofondir, gustar, viure una experiença diferenta.

Avem creat coma aquò la premiera agencia de servicis torístics de las valadas d'òc d'Italia abo lo but de promòure en Italia e a l'estrangier lhi aspècts diferents de la cultura occitana. Fasem un trabalh de marketing per las ofèrtas torísticas de nòstre territòri e prepausem directament quarque servici cultural e torístic coma: concèrts de música tradicionala occitana, conferenças sus lhi temas de la cultura occitana da las liricas di trobadors a l'arquitectura des valadas occitanas, cors d'instruments e bals tradicionals, itineraris de vísita e sejorns, jornaas d'arpròch a la natura pas contaminaa des Alps Occidentalas, activitats esportivas liaas al territòri.

Per la realizacion dei paquèts toristics trabalhem abo las mai emportantas agencias de viatge sus lo territòri per ofrir a nòstres clients un servici de qualitat e per satisfar totas las exigenças.