A la descubèrta de las Valadas Occitanas d’Italia, de lor cultura e de las activitats productivas. Estòria, art, natura e tradicions a travèrs d’activitats didacticas e amusantas.

1° jorn – Turin: arribaa dins la matinaa a Turin per una espassejada dins lo centre de la vila e la visita a un musèu d’enterès didactic particolar a la chausia de l’escòla. Per la sera desplaçament en las Valadas per la cina e la sistemacion a l’aubèrge.

2° jorn - Lo Marquesat de Saluces e la Val Varacha: partença per Saluces, antica capitala del Marquesat que manten encara d’enteressantas atmosfèras de la Renaissènça; espassejada dins la vila per admirar las testimonianças de l’etat mesana e per descurbir coma se vivia ai temps di Marqués. Visita a un laboratòri tipic per lo trabalh de menusier en Val Varacha e a son musèu. Sus la via del retorn, espassejada dins lo parc geològic di Chichos o visita a l’antica abadia benedetina del sècle XII.

3° jorn - lhi Vaudés e la Val Pelis: excursion dins la prencipala Valada Vaudèsa: visita al musèu estòric, lhi centres culturals, lhi luecs símbol de la persecucion Vaudèsa abo una guida especializada sus aqueste sujèt.

4° jorn - Val Maira: visita guidaa a Espaci Occitan e al musèu Sòn de Lenga, per far un viatge virtual a la descubèrta de tuchi lhi aspècts de la cultura Occitana. Pichòt cors de musica e danças des valadas. Espassejada per lo viol di partisans a Norat, antic vilatge occitan que manten encara lhi elements arquitèctonics tipics de la Valada e que es una des tapas del circuit nacional «lhi viòls de la memòria».

5° jorn – Val Grana: visita à un laboratori de fromatge especializat dins la produccion del Chastelmanh. Activitats didacticas al centre cultural provençal de Coumboscuro. A la sera concert de música occitana.

6° jorn - La vila de Coni e las tèrras di Savòia: espassejada dins la vila de Coni e visita al musèu civic. Visita a una de las residènças di Savòia dins la provincia de Coni.

Dins lo paquet avem previst: • Entradas, visitas guidaas, activitats didacticas e culturalas coma da programa; • Durmir dins aubèrges doas estelas, desjuens, dinars al sac, cinas dins l’aubèrge; • Lhi desplaçaments del programa devarèn èsser fachs abo lo metjan de transpòrt a disposicion del grop (totun serè possible preveire, sus demanda, l’afit d’un metjan adapt per tot lo period).

Es possible modifiar la durada del sejorn e personalizar lo paquet propòst second las exigenças particularas de chasque escòla.