DUI JORNS OCCITANS

Possibilitat d’arribar lo ser del venre - Desplaçament de l’aeropòrt / estacion de tren, o rescontre a la sortia de l’autorota. Sistemacion dins un aubèrge característic o locanda occitana a l’emboch de la Val Maira. Sopar dins un restaurant tradicional.

Sande – Dins las tèrras del Marquesat - Partença après de lo desjuen vèrs Staffarda per visitar l’empausanta abadia, fondaa entorn al 1135 da lhi monges cirstercencs. Après, arribaa a Saluces, la capitala antica del Marquesat omònime qu’a coneissut son atge d’òr dins la Renaissènça. Visita guidaa de la vila e sustot de Casa Cavassa, la richa residença di vicaris del Marqués. Temps libre dins la vila per una pausa dins un café característic del centre. Dins l’après mesjorn, visita al Chastèl de la Manta, palais de la familha di Saluzzo de la Manta, bastit sus la fortificacion originaria del XIII sècle abo las pinturas a fresc del Catre Cent e la rapresentacion estonanta de la Font de la Jovent. Sopar dins una locanda occitana abo espectacle de música e bals occitans. Lhi estruments de la tradicion, viola, galobet, semiton, chabrèta vos acompanharèn dins un viatge a travèrs las músicas e lhi bals des terras d’òc.

Diamenja – L’ occitan de la Val Maira - Après lo desjuen visita del musèu occitan d’Espaci Occitan a Draonier. La visita contunharè a l’abadia del Vilar e a la Reserva Naturala di Chichos del Vilar per admirar lo curiós fenomène geològic d’erosion. Dinar dins un restaurant característic e partença.