MINJAR E BEURE A LA DESCUBERTA DES TRADICIONS (itinerari a la descuberta des tradicions, di païsatges e de la gastronomia) 

Las raviòlas e las anchoas de la tradicion de la cusina de la Val Maira, lhi vins del Marquesat de Saluces, la pasta frescha al plin, lo bulhit, lhi grands vins de la Langa, tot acompanhat dal perfum de l’estòria antica des valadas d’òc e del Piemont sabaude a travèrs païsatges pas escara truchats da la man de l’òme.

Possibilitat d’arribar lo ser - Desplaçament de l’aeropòrt / estacion de tren, o rescontre a la sortia de l’autorota. Sistemacion dins un aubèrge característic o locanda occitana. Sopar dins un restaurant tradicional.

Premier jorn – Dins las tèrras del Marquesat - Partença après de lo desjuen vèrs Staffarda per visitar l’empausanta abadia, fondaa entorn al 1135 da lhi monges cirstercencs. Après, arribaa a Saluces, la capitala antica del Marquesat omònime qu’a coneissut son atge d’òr dins la Renaissènça. Visita guidaa de la vila e sustot de Casa Cavassa, la richa residença di vicaris del Marqués. Temps libre dins la vila per una pausa dins un café característic del centre.Dins l’après mesjorn, visita al Chastèl de la Manta, palais de la familha di Saluces de la Manta, bastit sus la fortificacion originaria del XIII sècle abo las pinturas a fresc del Catre Cent e la rapresentacion estonanta de la Font de la Jovent. Sopar dins una locanda occitana abo vins de las colinas de Saluces e espectacle de música e bals occitans. Lhi estruments de la tradicion, viola, galobet, semiton, chabrèta vos acompanharèn dins un viatge a travèrs las músicas e lhi bals des terras d’òc.

Second jorn – Lhi sabors de la Langa: Partença per Grinzane Cavour e visita del chastèl di Comtes Benso de Cavour, del musèu etnografic e de l’Enoteca Regionala. Desplaçament e visita al centre estòric de la vila de Alba abo las características tors de l’Etat Mesana. Temps libre dins la vila per una pausa dins un café característic del centre. Dins l’après mesjorn visita al Chastèl de Serralunga, caracterizat da tres autas tors, que garda l’originaria estructura de galharda fortification. En devalant dal chastèl, sosta a Fontanafredda, una des maisons de chaça del rei Vittorio Emanuele II, aüra devengua importanta productritz de vins. Visita a las cròtas e tasta di vins. Sopar dins un restaurant tipic piemontés. 

Terç jorn – Lo Piemont di Savòia - Partença per la residènça sabauda de Raconìs abo visita del chastèl e del Jardin Real. Promenada dins la vila de Savilhan. Dinar dins un restaurant característic e partença.

Nos contactar per mai d'enformacions sus lhi costs e personalzacions